.ആമകൾ

പുറംതോടിൽ സുരക്ഷിതരായിരുന്നു ആമകൾ
ഒരായിരം ആമകൾക്കൊരു തോട്...
ഒരുതോടിനുള്ളിലെ ആയിരം ആമകളും
തങ്ങളുടെ ദുർബല ശരീരം തടവി നക്കി വെളുപ്പിച്ചു
കെട്ടിപ്പിടിച്ചു പുണർന്നു, രതിയിലമർന്നു,
മൃതിയിലകന്നു, ആർത്തു   കരഞ്ഞു..
പൊട്ടിച്ചിരിച്ചു, കഴിയവേ...
ചിലവയ്ക്ക് കൂടുവിട്ടു പോകണമെന്ന തോന്നൽ
തോടിന്റെ വിടവിലൂടെ പുറത്തിറങ്ങിയവ
പുറത്തെ കുളിരിലും വെയിലിലും
കൂട്ടിലേക്ക് തിരിച്ചു കയറാൻ മടിച്ചു
സ്വയം കൂട് നിർമ്മിച്ചു
ഒറ്റക്കായി താമസം...
പുറത്തിറങ്ങിയവർ തിരിച്ച് എത്താത്തതിനാൽ
ഉള്ളിലുള്ളവ പുറത്തെത്താൻ തിടുക്കപ്പെട്ടു.
പുറത്തെത്തിയവരാകട്ടെ
മുൻപേ ഇറങ്ങിയവരെ കാണാതെ
തങ്ങൾക്കു ചുറ്റും പുറച്ചട്ടകൾ തീരത്ത്
ഒറ്റക്കായി താമസം...
പുറച്ചട്ടകൾ വച്ചുള്ള ഇണ ചേരലിൽ
ഹൃദയം ഭിത്തികളിൽ തട്ടി മാറി നിന്നു...
പുതിയ തലമുറ ഭിത്തികളുള്ള ഹൃദയവുമായി പുറത്തെത്തി...
ഒന്നിച്ചൊരു കൂട്ടിനുള്ളിൽ എങ്ങനെയെങ്കിലും
എത്തണമെന്ന് കരുതുമ്പോഴും
തന്റെ കൂട് പൊട്ടിക്കാൻ കഴിയാതെ
കൂടിനുള്ളിൽ ഒറ്റപ്പെട്ടു
അരക്ഷിടരായി ഒരായിരം ആമകളും
ഒരായിരം ആമതോടുകളും
തങ്ങളുടെ ഒറ്റ തോട് സ്വപനം കണ്ടു
ഒറ്റയ്ക്ക് തിന്നു കുടിച്ചു 
ചീർത്തു തടിച്ചു
കാൻസർ വന്നു മരിച്ചു
എം ജി മല്ലിക