ചിന്ത

സ്വതന്ത്രമായ ചിന്തകൾക്ക്
 മേൽക്കൂര പണിയുന്നവർ
 അറിയുന്നില്ല
മേൽക്കൂരകളില്ലാത്ത ലോകത്തേക്ക്
 ചിന്തകൾ കൂട് മാറുമെന്നു...
ചിന്തകൾക്ക് അതിർത്തി പണിയാൻ
കഴിയുമെന്നു കരുതുന്നവർ
മൂഡ സ്വർഗ്ഗത്തിലെ രാജാക്കന്മാർ...

 എം ജി മല്ലിക 

വേനലിൻ ചൂടിലും
പുകയും പകയിലും
അടിതെറ്റി വീഴാതെ
മറുവാക്ക് പറയാതെ
മൌനിയായ് നിന്നത്...
ഉള്ളിലോരിത്തിരി
ഇന്ധനം  പടരുവാൻ...
തലപൊക്കി നില്ക്കുവാൻ...
കരുണ കുരുത്ത കരുത്തുമായ്
കറ പുരളാത്ത കരവുമായ്
മലിനമാകാത്തൊരു മനവുമായ്‌
മണ്ണിൽ പുതിയൊരു
മുളയായ് മാറുവാൻ...
വരുമൊരു പുതുമഴക്കൊപ്പം
ഇടിമുഴക്കം പോലെ
മിന്നലിൻ ചൂടിലോരർദ്രതയാകുവാൻ...

എം ജി മല്ലിക...