പുകഞ്ഞ കൊള്ളി പുറത്ത്

അടുപ്പിൻ പുകഞ്ഞു കിടക്കുകയായിരുന്നു
ആ വിറകു കൊള്ളി
പുകഞ്ഞ കൊള്ളി പുറത്ത്.....
പുറത്തെടുത്തപ്പോൾ ആളി കത്താൻ തുടങ്ങി
പിന്നെ അടുപ്പിൽ വയ്ക്കാനായി തിടുക്കം
പുറത്താളുന്ന കൊള്ളിയെന്തേ
അകത്തു പുകയുന്നു എന്നായി ചിന്ത
അകത്താളുന്നവയെ പുറത്തെടുത്തപ്പോൾ
ചാരം മാത്രം ബാക്കി
ചില കൊള്ളികൾ അങ്ങനെയാണ്
പുറത്തെ കത്തൂ...
അടുപ്പിന്റെ അസ്വാതന്ത്ര്യത്തിൽ
അവ പുകഞ്ഞു കൊണ്ടേ ഇരിക്കും....
മല്ലിക എം ജി