നിനക്ക് വേണ്ടി ഞാൻ തീർത്ത
സ്വപ്ന കൂടാരത്തിൽ
മലവെള്ളം ഇരച്ചു കയറി...
രക്ഷയില്ലാതെ
ഞാൻ അവിടെ നിന്നും
ഇറങ്ങി ഓടി....

മലവെള്ളം
ഇറങ്ങി കഴിഞ്ഞപ്പോൾ
നിന്നെയും തേടി
എത്തിയ എനിക്ക്
കാണാൻ കഴിഞ്ഞത്
സ്വപ്നങ്ങളുടെ
കൊഴിഞ്ഞു വീണ
തൂവൽ മാത്രം...

നീ മലവെള്ളതിനോപ്പം
മറ്റെവിടെയോ
ഒഴുകി കരപറ്റി യിരിക്കാം...

അല്ലെങ്കിൽ
നിന്റെ സ്വപ്നങ്ങളിൽ
മറ്റേതോ കുടിലുകൾ
മതിലുകൾ തീർത്തു കാണും
എങ്കിലും
എന്റെ കുടിലിന്റെ
കേടു പാടുകൾ തീർത്തു
ഇപ്പോഴും കാത്തിരിക്കുന്നു...
മറ്റൊരു മലവെള്ളത്തിൽ
കടന്നു വരുന്ന നിന്റെ
പുതിയ സ്വപ്നങ്ങളെ തേടി

എം ജി മല്ലിക