കുത്തൊഴുക്കിൽ
ഒഴുകി പോകാതിരിക്കാൻ
എവിടെയൊക്കെയോ
കയറി പിടിച്ചു...
പല വള്ളികളും
ഒടുവിൽ വായ പിളര്ത്തി
കടിക്കാൻ ഓടി
അടുത്തപ്പോഴും
പാറക്കെട്ടിൽ തട്ടി
തല പിളര്ന്നു ചോര 
വാർന്നപ്പോഴും
ഉള്ളിലുണ്ടായിരുന്നു അഗ്നി..
പ്രതീക്ഷയുടെ പ്രകാശം
ഉള്ളിലൂടെ തലച്ചോറിലേക്
പടര്ന്നു പിടിച്ചപ്പോൾ
ഒഴുക്കിനെ പ്രതിരോധിക്കാൻ
കഴിയുന്ന ഊർജജം
സിരകളിൽ പടര്ന്നു കയറിയിരുന്നു....
ഒരു ശക്തിക്കും
തകർക്കാനാകാത്ത
ആത്മ ബലത്തിൽ
ഈ നദി ഞാൻ നീന്തി കടക്കും..
ഒടുവിൽ ഒരു ജേതാവിനെ പോലെ വരും..
അന്ന് നിങ്ങൾ എന്നെ
വർഷങ്ങൾ കാത്തിരിക്കും...
ഒരു നോക്ക് കാണാൻ...

എം ജി മല്ലിക