ഒരു ചിരി മതി ചിലപ്പോൾ
ജീവിതം തളിരിടാൻ...
ഒരു വാക്കിലോ നോക്കിലോ
ഒരു ജീവൻ പടര്ന്നിടാം...
പറ്റുമെങ്കിൽ നമുക്ക്
ഹൃദയം തുറന്നു ചിരിക്കാം...
നഷ്ടമില്ലാത്ത
ലാഭം മാത്രമുള്ള
ഒരു ചിരി...
അധരങ്ങളിൽ നിന്നും
ഊര്ന്നു വീഴുന്ന
പ്ളാസ്റ്റിക് ചിരികൾക്ക്
പകരം
ഹൃദയത്തിന്റെ അടിത്തട്ടിൽ നിന്നും
അറിയാതെ പടര്ന്നു കയറുന്ന
അനുഭൂതി പോലെ നമുക്ക്
മനുഷ്യന്റെ
മനസ്സിലൂടെ
സഞ്ചരിക്കാം...
ഒരു തണുപ്പായി...
കുളിരായ്
ഒരു മഞ്ഞു തുള്ളി പോലെ
കളങ്കമില്ലാതെ...
എന്റെ കൂട്ടുകാര്ക്ക്
ഈ രാത്രിയുടെ ശാന്തതയിലെക്കു
പോകുന്നതിനു മുൻപ്
ഒരു നിറഞ്ഞ പുഞ്ചിരി...
എം ജി മല്ലിക