പകൽ വെളിച്ചത്തിൽ
തപ്പാതെ തടയാതെ
നടക്കുമ്പോൾ
സന്ധ്യ ഇരുട്ടിന്റെ
സന്ദേശവുമായി കടന്നുവരും...
മെല്ലെ മെല്ലെ
ആരും അറിയാതെ
 കണ്ണുകളിൽ ഇരുട്ട് കട്ടികൂടി
ഒടുക്കം ഓര്മ്മയിലെ
ഊടു വഴിയിലൂടെ
കുറെ ദൂരം
വീഴാതെ നടന്നേക്കാം...
വഴി തെറ്റി തടഞ്ഞു വീഴുംപോഴാവും
 പകലിൽ കുറേക്കൂടി
സൂക്ഷിച്ചു വഴി
പഠിക്കാമായിരുന്നു എന്ന് തോന്നുക.
ഇനി വരുന്ന പകലിനെ
 നന്നായി ഉപയോഗിക്കണമെന്നും
 വഴികൾ മനപ്പാ0മാക്കണമെന്നും
കരുതുമ്പോഴും വീണ്ടും പകലിന്റെ
 മനോഹാരിതയിൽ
നാം മയങ്ങി കിടക്കും...
വീണ്ടും ഇരുട്ട് പറക്കും വരെ...

എം ജി മല്ലിക